VUL

VUL

Click to Change

Return to Top

Return to Top

Printer Icon

Print

Copy
Copy Options
Format by: Verse Paragraph
Strong's
Red Letter
Audio Bibles
The Blue Letter Bible

Jeremiæ (Jeremiah) 48 :: Latin Vulgate (VUL)

toggle collapse
Choose a new font size and typeface
Audio Bibles
Unchecked Copy BoxJer 48:1 - ad Moab haec dicit Dominus exercituum Deus Israhel vae super Nabo quoniam vastata est et confusa capta est Cariathaim confusa est fortis et tremuit
Unchecked Copy BoxJer 48:2 - non est ultra exultatio in Moab contra Esebon cogitaverunt malum venite et disperdamus eam de gente ergo silens conticesces sequeturque te gladius
Unchecked Copy BoxJer 48:3 - vox clamoris de Oronaim vastitas et contritio magna
Unchecked Copy BoxJer 48:4 - contrita est Moab adnuntiate clamorem parvulis eius
Unchecked Copy BoxJer 48:5 - per ascensum enim Luaith plorans ascendet in fletu quoniam in descensu Oronaim hostes ululatum contritionis audierunt
Unchecked Copy BoxJer 48:6 - fugite salvate animas vestras et eritis quasi myrice in deserto
Unchecked Copy BoxJer 48:7 - pro eo enim quod habuisti fiduciam in munitionibus tuis et in thesauris tuis tu quoque capieris et ibit Chamos in transmigrationem sacerdotes eius et principes eius simul
Unchecked Copy BoxJer 48:8 - et veniet praedo ad omnem urbem et urbs nulla salvabitur et peribit vallis et dissipabuntur campestria quoniam dixit Dominus
Unchecked Copy BoxJer 48:9 - date florem Moab quia floriens egredietur et civitates eius desertae erunt et inhabitabiles
Unchecked Copy BoxJer 48:10 - maledictus qui facit opus Domini fraudulenter et maledictus qui prohibet gladium suum a sanguine
Unchecked Copy BoxJer 48:11 - fertilis fuit Moab ab adulescentia sua et requievit in fecibus suis nec transfusus est de vase in vas et in transmigrationem non abiit idcirco permansit gustus eius in eo et odor eius non est inmutatus
Unchecked Copy BoxJer 48:12 - propterea ecce dies veniunt dicit Dominus et mittam ei ordinatores et stratores laguncularum et sternent eum et vasa eius exhaurient et lagoenas eorum conlident
Unchecked Copy BoxJer 48:13 - et confundetur Moab a Chamos sicut confusa est domus Israhel a Bethel in qua habebat fiduciam
Unchecked Copy BoxJer 48:14 - quomodo dicitis fortes sumus et viri robusti ad proeliandum
Unchecked Copy BoxJer 48:15 - vastata est Moab et civitates illius ascenderunt et electi iuvenes eius descenderunt in occisionem ait Rex Dominus exercituum nomen ei
Unchecked Copy BoxJer 48:16 - prope est interitus Moab ut veniat et malum eius velociter adcurret nimis
Unchecked Copy BoxJer 48:17 - consolamini eum omnes qui estis in circuitu eius et universi qui scitis nomen eius dicite quomodo confracta est virga fortis baculus gloriosus
Unchecked Copy BoxJer 48:18 - descende de gloria et sede in siti habitatio filiae Dibon quoniam vastator Moab ascendet ad te dissipabit munitiones tuas
Unchecked Copy BoxJer 48:19 - in via sta et prospice habitatio Aroer interroga fugientem et eum qui evasit dic quid accidit
Unchecked Copy BoxJer 48:20 - confusus est Moab quoniam victus est ululate et clamate adnuntiate in Arnon quoniam vastata est Moab
Unchecked Copy BoxJer 48:21 - et iudicium venit ad terram campestrem super Helon et super Iaesa et super Mefath
Unchecked Copy BoxJer 48:22 - et super Dibon et super Nabo et super domum Deblathaim
Unchecked Copy BoxJer 48:23 - et super Cariathaim et super Bethgamul et super Bethmaon
Unchecked Copy BoxJer 48:24 - et super Carioth et super Bosra et super omnes civitates terrae Moab quae longe et quae prope sunt
Unchecked Copy BoxJer 48:25 - abscisum est cornu Moab et brachium eius contritum est ait Dominus
Unchecked Copy BoxJer 48:26 - inebriate eum quoniam contra Dominum erectus est et adlidet manum Moab in vomitu suo et erit in derisum etiam ipse
Unchecked Copy BoxJer 48:27 - fuit enim in derisum tibi Israhel quasi inter fures repperisses eum propter verba ergo tua quae adversum illum locutus es captivus duceris
Unchecked Copy BoxJer 48:28 - relinquite civitates et habitate in petra habitatores Moab et estote quasi columba nidificans in summo ore foraminis
Unchecked Copy BoxJer 48:29 - audivimus superbiam Moab superbus est valde sublimitatem eius et arrogantiam et superbiam et altitudinem cordis illius
Unchecked Copy BoxJer 48:30 - ego scio ait Dominus iactantiam eius et quod non sit iuxta eam virtus eius nec iuxta quod poterat conata sit facere
Unchecked Copy BoxJer 48:31 - ideo super Moab heiulabo et ad Moab universam clamabo ad viros muri fictilis lamentantes
Unchecked Copy BoxJer 48:32 - de planctu Iazer plorabo tibi vinea Sobema propagines tuae transierunt mare usque ad mare Iazer pervenerunt super messem tuam et vindemiam tuam praedo inruit
Unchecked Copy BoxJer 48:33 - ablata est laetitia et exultatio de Carmelo et de terra Moab et vinum de torcularibus sustuli nequaquam calcator uvae solitum celeuma cantabit
Unchecked Copy BoxJer 48:34 - de clamore Esebon usque Eleale et Iaesa dederunt vocem suam a Segor usque ad Oronaim vitula conternante aquae quoque Namrim pessimae erunt
Unchecked Copy BoxJer 48:35 - et auferam de Moab ait Dominus offerentem in excelsis et sacrificantem diis eius
Unchecked Copy BoxJer 48:36 - propterea cor meum ad Moab quasi tibiae resonabit et cor meum ad viros muri fictilis dabit sonitum tibiarum quia plus fecit quam potuit idcirco perierunt
Unchecked Copy BoxJer 48:37 - omne enim caput calvitium et omnis barba rasa erit in cunctis manibus conligatio et super omne dorsum cilicium
Unchecked Copy BoxJer 48:38 - super omnia tecta Moab et in plateis eius omnis planctus quia contrivi Moab sicut vas inutile ait Dominus
Unchecked Copy BoxJer 48:39 - quomodo victa est et ululaverunt quomodo deiecit cervicem Moab et confusus est eritque Moab in derisum et in exemplum omnibus in circuitu suo
Unchecked Copy BoxJer 48:40 - haec dicit Dominus ecce quasi aquila evolabit et extendet alas suas ad Moab
Unchecked Copy BoxJer 48:41 - capta est Carioth et munitiones conprehensae sunt et erit cor fortium Moab in die illa sicut cor mulieris parturientis
Unchecked Copy BoxJer 48:42 - et cessabit Moab esse populus quoniam contra Dominum gloriatus est
Unchecked Copy BoxJer 48:43 - pavor et fovea et laqueus super te o habitator Moab ait Dominus
Unchecked Copy BoxJer 48:44 - qui fugit a facie pavoris cadet in foveam et qui conscenderit de fovea capietur laqueo adducam enim super Moab annum visitationis eorum dicit Dominus
Unchecked Copy BoxJer 48:45 - in umbra Esebon steterunt de laqueo fugientes quia ignis egressus est de Esebon et flamma de medio Seon et devorabit partem Moab et verticem filiorum tumultus
Unchecked Copy BoxJer 48:46 - vae tibi Moab peristi popule Chamos quia conprehensi sunt filii tui et filiae tuae in captivitatem
Unchecked Copy BoxJer 48:47 - et convertam captivitatem Moab in novissimis diebus ait Dominus hucusque iudicia Moab
VUL

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.

BLB Searches
Search the Bible
VUL
 [?]

Advanced Options

Other Searches

Multi-Verse Retrieval
x
VUL

Daily Devotionals
x

Blue Letter Bible offers several daily devotional readings in order to help you refocus on Christ and the Gospel of His peace and righteousness.

Daily Bible Reading Plans
x

Recognizing the value of consistent reflection upon the Word of God in order to refocus one's mind and heart upon Christ and His Gospel of peace, we provide several reading plans designed to cover the entire Bible in a year.

One-Year Plans

Two-Year Plan