VUL

VUL

Click to Change

Return to Top

Return to Top

Printer Icon

Print

Copy
Copy Options
Format by: Verse Paragraph
Strong's
Red Letter
Audio Bibles
The Blue Letter Bible

Judices (Judges) 18 :: Latin Vulgate (VUL)

toggle collapse
Choose a new font size and typeface
Audio Bibles
Unchecked Copy BoxJdg 18:1 - in diebus illis non erat rex in Israhel et tribus Dan quaerebat possessionem sibi ut habitaret in ea usque ad illum enim diem inter ceteras tribus sortem non acceperat
Unchecked Copy BoxJdg 18:2 - miserunt igitur filii Dan stirpis et familiae suae quinque viros fortissimos de Saraa et Esthaol ut explorarent terram et diligenter inspicerent dixeruntque eis ite et considerate terram qui cum pergentes venissent in montem Ephraim et intrassent domum Micha requieverunt ibi
Unchecked Copy BoxJdg 18:3 - et agnoscentes vocem adulescentis Levitae utentesque illius diversorio dixerunt ad eum quis te huc adduxit quid hic agis quam ob causam huc venire voluisti
Unchecked Copy BoxJdg 18:4 - qui respondit eis haec et haec praestitit mihi Michas et me mercede conduxit ut sim ei sacerdos
Unchecked Copy BoxJdg 18:5 - rogaveruntque eum ut consuleret Dominum et scire possent an prospero itinere pergerent et res haberet effectum
Unchecked Copy BoxJdg 18:6 - qui respondit eis ite cum pace Dominus respicit viam vestram et iter quo pergitis
Unchecked Copy BoxJdg 18:7 - euntes itaque quinque viri venerunt Lais videruntque populum habitantem in ea absque ullo timore iuxta Sidoniorum consuetudinem securum et quietum nullo eis penitus resistente magnarumque opum et procul a Sidone atque a cunctis hominibus separatum
Unchecked Copy BoxJdg 18:8 - reversique ad fratres suos in Saraa et Esthaol et quid egissent sciscitantibus responderunt
Unchecked Copy BoxJdg 18:9 - surgite et ascendamus ad eos vidimus enim terram valde opulentam et uberem nolite neglegere nolite cessare eamus et possideamus eam nullus erit labor
Unchecked Copy BoxJdg 18:10 - intrabimus ad securos in regionem latissimam tradetque nobis Dominus locum in quo nullius rei est penuria eorum quae gignuntur in terra
Unchecked Copy BoxJdg 18:11 - profecti igitur sunt de cognatione Dan id est de Saraa et Esthaol sescenti viri accincti armis bellicis
Unchecked Copy BoxJdg 18:12 - ascendentesque manserunt in Cariathiarim Iudae qui locus ex eo tempore castrorum Dan nomen accepit et est post tergum Cariathiarim
Unchecked Copy BoxJdg 18:13 - inde transierunt in montem Ephraim cumque venissent ad domum Micha
Unchecked Copy BoxJdg 18:14 - dixerunt quinque viri qui prius missi fuerant ad considerandam terram Lais ceteris fratribus suis nostis quod in domibus istis sit ephod et therafin et sculptile atque conflatile videte quid vobis placeat
Unchecked Copy BoxJdg 18:15 - et cum paululum declinassent ingressi sunt domum adulescentis Levitae qui erat in domo Micha salutaveruntque eum verbis pacificis
Unchecked Copy BoxJdg 18:16 - sescenti autem viri ita ut erant armati stabant ante ostium
Unchecked Copy BoxJdg 18:17 - at illi qui ingressi fuerant domum iuvenis sculptile et ephod et therafin atque conflatile tollere nitebantur et sacerdos stabat ante ostium sescentis viris fortissimis haut procul expectantibus
Unchecked Copy BoxJdg 18:18 - tulerunt igitur qui intraverant sculptile ephod et idola atque conflatile quibus dixit sacerdos quid facitis
Unchecked Copy BoxJdg 18:19 - cui responderunt tace et pone digitum super os tuum venique nobiscum ut habeamus te patrem et sacerdotem quid tibi melius est ut sis sacerdos in domo unius viri an in una tribu et familia in Israhel
Unchecked Copy BoxJdg 18:20 - quod cum audisset adquievit sermonibus eorum et tulit ephod et idola ac sculptile et cum eis profectus est
Unchecked Copy BoxJdg 18:21 - qui cum pergerent et ante se ire fecissent parvulos et iumenta et omne quod erat pretiosum
Unchecked Copy BoxJdg 18:22 - iamque a domo Michae essent procul viri qui habitabant in aedibus Michae conclamantes secuti sunt
Unchecked Copy BoxJdg 18:23 - et post tergum clamare coeperunt qui cum respexissent dixerunt ad Micham quid tibi vis cur clamas
Unchecked Copy BoxJdg 18:24 - qui respondit deos meos quos mihi feci tulistis et sacerdotem et omnia quae habeo et dicitis quid tibi est
Unchecked Copy BoxJdg 18:25 - dixeruntque ei filii Dan cave ne ultra loquaris ad nos et veniant ad te viri animo concitati et ipse cum omni domo tua pereas
Unchecked Copy BoxJdg 18:26 - et sic coepto itinere perrexerunt videns autem Micha quod fortiores se essent reversus est in domum suam
Unchecked Copy BoxJdg 18:27 - sescenti autem viri tulerunt sacerdotem et quae supra diximus veneruntque in Lais ad populum quiescentem atque securum et percusserunt eos in ore gladii urbemque incendio tradiderunt
Unchecked Copy BoxJdg 18:28 - nullo penitus ferente praesidium eo quod procul habitarent a Sidone et cum nullo hominum haberent quicquam societatis ac negotii erat autem civitas sita in regione Roob quam rursum extruentes habitaverunt in ea
Unchecked Copy BoxJdg 18:29 - vocato nomine civitatis Dan iuxta vocabulum patris sui quem genuerat Israhel quae prius Lais dicebatur
Unchecked Copy BoxJdg 18:30 - posueruntque sibi sculptile et Ionathan filium Gersan filii Mosi ac filios eius sacerdotes in tribu Dan usque ad diem captivitatis suae
Unchecked Copy BoxJdg 18:31 - mansitque apud eos idolum Michae omni tempore quo fuit domus Dei in Silo in diebus illis non erat rex in Israhel
VUL

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.

BLB Searches
Search the Bible
VUL
 [?]

Advanced Options

Other Searches

Multi-Verse Retrieval
x
VUL

Daily Devotionals
x

Blue Letter Bible offers several daily devotional readings in order to help you refocus on Christ and the Gospel of His peace and righteousness.

Daily Bible Reading Plans
x

Recognizing the value of consistent reflection upon the Word of God in order to refocus one's mind and heart upon Christ and His Gospel of peace, we provide several reading plans designed to cover the entire Bible in a year.

One-Year Plans

Two-Year Plan