VUL

VUL

Click to Change

Return to Top

Return to Top

Printer Icon

Print

Copy
Copy Options
Format by: Verse Paragraph
Strong's
Red Letter
Audio Bibles
The Blue Letter Bible

1 Samuelis (1 Samuel) 17 :: Latin Vulgate (VUL)

toggle collapse
Choose a new font size and typeface
Audio Bibles
Unchecked Copy Box1Sa 17:1 - congregantes vero Philisthim agmina sua in proelium convenerunt in Soccho Iudae et castrametati sunt inter Soccho et Azeca in finibus Dommim
Unchecked Copy Box1Sa 17:2 - porro Saul et viri Israhel congregati venerunt in valle Terebinthi et direxerunt aciem ad pugnandum contra Philisthim
Unchecked Copy Box1Sa 17:3 - et Philisthim stabant super montem ex hac parte et Israhel stabat super montem ex altera parte vallisque erat inter eos
Unchecked Copy Box1Sa 17:4 - et egressus est vir spurius de castris Philisthinorum nomine Goliath de Geth altitudinis sex cubitorum et palmo
Unchecked Copy Box1Sa 17:5 - et cassis aerea super caput eius et lorica hamata induebatur porro pondus loricae eius quinque milia siclorum aeris
Unchecked Copy Box1Sa 17:6 - et ocreas aereas habebat in cruribus et clypeus aereus tegebat umeros eius
Unchecked Copy Box1Sa 17:7 - hastile autem hastae eius erat quasi liciatorium texentium ipsum autem ferrum hastae eius sescentos siclos habebat ferri et armiger eius antecedebat eum
Unchecked Copy Box1Sa 17:8 - stansque clamabat adversum falangas Israhel et dicebat eis quare venitis parati ad proelium numquid ego non sum Philistheus et vos servi Saul eligite ex vobis virum et descendat ad singulare certamen
Unchecked Copy Box1Sa 17:9 - si quiverit pugnare mecum et percusserit me erimus vobis servi si autem ego praevaluero et percussero eum vos servi eritis et servietis nobis
Unchecked Copy Box1Sa 17:10 - et aiebat Philistheus ego exprobravi agminibus Israhelis hodie date mihi virum et ineat mecum singulare certamen
Unchecked Copy Box1Sa 17:11 - audiens autem Saul et omnes viri israhelitae sermones Philisthei huiuscemodi stupebant et metuebant nimis
Unchecked Copy Box1Sa 17:12 - David autem erat filius viri ephrathei de quo supra dictum est de Bethleem Iuda cui erat nomen Isai qui habebat octo filios et erat vir in diebus Saul senex et grandevus inter viros
Unchecked Copy Box1Sa 17:13 - abierunt autem tres filii eius maiores post Saul in proelium et nomina trium filiorum eius qui perrexerant ad bellum Heliab primogenitus et secundus Abinadab tertiusque Samma
Unchecked Copy Box1Sa 17:14 - David autem erat minimus tribus ergo maioribus secutis Saulem
Unchecked Copy Box1Sa 17:15 - abiit David et reversus est a Saul ut pasceret gregem patris sui in Bethleem
Unchecked Copy Box1Sa 17:16 - procedebat vero Philistheus mane et vespere et stabat quadraginta diebus
Unchecked Copy Box1Sa 17:17 - dixit autem Isai ad David filium suum accipe fratribus tuis oephi pulentae et decem panes istos et curre in castra ad fratres tuos
Unchecked Copy Box1Sa 17:18 - et decem formellas casei has deferes ad tribunum et fratres tuos visitabis si recte agant et cum quibus ordinati sint disce
Unchecked Copy Box1Sa 17:19 - Saul autem et illi et omnes filii Israhel in valle Terebinthi pugnabant adversum Philisthim
Unchecked Copy Box1Sa 17:20 - surrexit itaque David mane et commendavit gregem custodi et onustus abiit sicut praeceperat ei Isai et venit ad locum Magala et ad exercitum qui egressus ad pugnam vociferatus erat in certamine
Unchecked Copy Box1Sa 17:21 - direxerat enim aciem Israhel sed et Philisthim ex adverso fuerant praeparati
Unchecked Copy Box1Sa 17:22 - derelinquens ergo David vasa quae adtulerat sub manu custodis ad sarcinas cucurrit ad locum certaminis et interrogabat si omnia recte agerentur erga fratres suos
Unchecked Copy Box1Sa 17:23 - cumque adhuc ille loqueretur eis apparuit vir ille spurius ascendens Goliath nomine Philistheus de Geth ex castris Philisthinorum et loquente eo haec eadem verba audivit David
Unchecked Copy Box1Sa 17:24 - omnes autem Israhelitae cum vidissent virum fugerunt a facie eius timentes eum valde
Unchecked Copy Box1Sa 17:25 - et dixit unus quispiam de Israhel num vidisti virum hunc qui ascendit ad exprobrandum enim Israheli ascendit virum ergo qui percusserit eum ditabit rex divitiis magnis et filiam suam dabit ei et domum patris eius faciet absque tributo in Israhel
Unchecked Copy Box1Sa 17:26 - et ait David ad viros qui stabant secum dicens quid dabitur viro qui percusserit Philistheum hunc et tulerit obprobrium de Israhel quis est enim hic Philistheus incircumcisus qui exprobravit acies Dei viventis
Unchecked Copy Box1Sa 17:27 - referebat autem ei populus eundem sermonem dicens haec dabuntur viro qui percusserit eum
Unchecked Copy Box1Sa 17:28 - quod cum audisset Heliab frater eius maior loquente eo cum aliis iratus est contra David et ait quare venisti et quare dereliquisti pauculas oves illas in deserto ego novi superbiam tuam et nequitiam cordis tui quia ut videres proelium descendisti
Unchecked Copy Box1Sa 17:29 - et dixit David quid feci numquid non verbum est
Unchecked Copy Box1Sa 17:30 - et declinavit paululum ab eo ad alium dixitque eundem sermonem et respondit ei populus verbum sicut et prius
Unchecked Copy Box1Sa 17:31 - audita sunt autem verba quae locutus est David et adnuntiata in conspectu Saul
Unchecked Copy Box1Sa 17:32 - ad quem cum fuisset adductus locutus est ei non concidat cor cuiusquam in eo ego servus tuus vadam et pugnabo adversus Philistheum
Unchecked Copy Box1Sa 17:33 - et ait Saul ad David non vales resistere Philistheo isti nec pugnare adversum eum quia puer es hic autem vir bellator ab adulescentia sua
Unchecked Copy Box1Sa 17:34 - dixitque David ad Saul pascebat servus tuus patris sui gregem et veniebat leo vel ursus tollebatque arietem de medio gregis
Unchecked Copy Box1Sa 17:35 - et sequebar eos et percutiebam eruebamque de ore eorum et illi consurgebant adversum me et adprehendebam mentum eorum et suffocabam interficiebamque eos
Unchecked Copy Box1Sa 17:36 - nam et leonem et ursum interfeci ego servus tuus erit igitur et Philistheus hic incircumcisus quasi unus ex eis quia ausus est maledicere exercitum Dei viventis
Unchecked Copy Box1Sa 17:37 - et ait David Dominus qui eruit me de manu leonis et de manu ursi ipse liberabit me de manu Philisthei huius dixit autem Saul ad David vade et Dominus tecum sit
Unchecked Copy Box1Sa 17:38 - et induit Saul David vestimentis suis et inposuit galeam aeream super caput eius et vestivit eum lorica
Unchecked Copy Box1Sa 17:39 - accinctus ergo David gladio eius super veste sua coepit temptare si armatus posset incedere non enim habebat consuetudinem dixitque David ad Saul non possum sic incedere quia nec usum habeo et deposuit ea
Unchecked Copy Box1Sa 17:40 - et tulit baculum suum quem semper habebat in manibus et elegit sibi quinque limpidissimos lapides de torrente et misit eos in peram pastoralem quam habebat secum et fundam manu tulit et processit adversum Philistheum
Unchecked Copy Box1Sa 17:41 - ibat autem Philistheus incedens et adpropinquans adversum David et armiger eius ante eum
Unchecked Copy Box1Sa 17:42 - cumque inspexisset Philistheus et vidisset David despexit eum erat enim adulescens rufus et pulcher aspectu
Unchecked Copy Box1Sa 17:43 - et dixit Philistheus ad David numquid ego canis sum quod tu venis ad me cum baculo et maledixit Philistheus David in diis suis
Unchecked Copy Box1Sa 17:44 - dixitque ad David veni ad me et dabo carnes tuas volatilibus caeli et bestiis terrae
Unchecked Copy Box1Sa 17:45 - dixit autem David ad Philistheum tu venis ad me cum gladio et hasta et clypeo ego autem venio ad te in nomine Domini exercituum Dei agminum Israhel quibus exprobrasti
Unchecked Copy Box1Sa 17:46 - hodie et dabit te Dominus in manu mea et percutiam te et auferam caput tuum a te et dabo cadaver castrorum Philisthim hodie volatilibus caeli et bestiis terrae ut sciat omnis terra quia est Deus in Israhel
Unchecked Copy Box1Sa 17:47 - et noverit universa ecclesia haec quia non in gladio nec in hasta salvat Dominus ipsius est enim bellum et tradet vos in manus nostras
Unchecked Copy Box1Sa 17:48 - cum ergo surrexisset Philistheus et veniret et adpropinquaret contra David festinavit David et cucurrit ad pugnam ex adverso Philisthei
Unchecked Copy Box1Sa 17:49 - et misit manum suam in peram tulitque unum lapidem et funda iecit et percussit Philistheum in fronte et infixus est lapis in fronte eius et cecidit in faciem suam super terram
Unchecked Copy Box1Sa 17:50 - praevaluitque David adversus Philistheum in funda et in lapide percussumque Philistheum interfecit cumque gladium non haberet in manu David
Unchecked Copy Box1Sa 17:51 - cucurrit et stetit super Philistheum et tulit gladium eius et eduxit de vagina sua et interfecit eum praeciditque caput eius videntes autem Philisthim quod mortuus esset fortissimus eorum fugerunt
Unchecked Copy Box1Sa 17:52 - et consurgentes viri Israhel et Iuda vociferati sunt et persecuti Philistheos usque dum venirent in vallem et usque ad portas Accaron cecideruntque vulnerati de Philisthim in via Sarim usque ad Geth et usque Accaron
Unchecked Copy Box1Sa 17:53 - et revertentes filii Israhel postquam persecuti fuerant Philistheos invaserunt castra eorum
Unchecked Copy Box1Sa 17:54 - adsumens autem David caput Philisthei adtulit illud in Hierusalem arma vero eius posuit in tabernaculo suo
Unchecked Copy Box1Sa 17:55 - eo autem tempore quo viderat Saul David egredientem contra Philistheum ait ad Abner principem militiae de qua stirpe descendit hic adulescens Abner dixitque Abner vivit anima tua rex si novi
Unchecked Copy Box1Sa 17:56 - et ait rex interroga tu cuius filius sit iste puer
Unchecked Copy Box1Sa 17:57 - cumque regressus esset David percusso Philistheo tulit eum Abner et introduxit coram Saul caput Philisthei habentem in manu
Unchecked Copy Box1Sa 17:58 - et ait ad eum Saul de qua progenie es o adulescens dixitque David filius servi tui Isai Bethleemitae ego sum
VUL

The Latin Vulgate was translated from the original languages into Latin by Jerome in A.D. 405. For over a millennium, it remained as the preferred translation of the church. This version of the Bible is in the public domain.

BLB Searches
Search the Bible
VUL
 [?]

Advanced Options

Other Searches

Multi-Verse Retrieval
x
VUL

Daily Devotionals
x

Blue Letter Bible offers several daily devotional readings in order to help you refocus on Christ and the Gospel of His peace and righteousness.

Daily Bible Reading Plans
x

Recognizing the value of consistent reflection upon the Word of God in order to refocus one's mind and heart upon Christ and His Gospel of peace, we provide several reading plans designed to cover the entire Bible in a year.

One-Year Plans

Two-Year Plan